📰Radio Gjakova

Qyteti i Gjakovës i njohur për traditën që ka në fushën e arsimit dhe të kulturës ndër shekuj, në mbarim të viteve të shtatëdhjeta pasurohet me mediumin e parë radiofonik, me Radio Gjakovën.

Nga ajo periudhë e deri më sot, kanë kaluar shumë ngjarje me të cilat është e lidhur ngusht Radio Gjakova, duke qenë pjesë e përditshmërisë gjakovare, ashtu siç është e lidhur edhe historia e qytetit për këto tri dekada.

Kjo, për faktin se frymëmarrja dhe rrita e qytetit është pasqyruar përmes programeve të përgatitura në këtë medium informativ dhe argëtues.